海陸空遊世界: 紐西蘭自駕遊～星河湖鏡之旅第5天: Lake Tekapo, Mount Cook

2015年5月21日星期四

紐西蘭自駕遊～星河湖鏡之旅第5天: Lake Tekapo, Mount Cook

Lake Tekapo, Mount Cook, Air Safaris, Scenic flight

我地係Lake Tekapo住係Hotel Mantra Lake Tekapo,係一間獨立屋, 設備一流,裝修亦都好靚。有室內停車場, 地下有大廳,廚房,有三間房,三個厠所。

仲有小花園, 夜晚係小花園望出去已經可以睇到銀河!

我地就係廚房煮我地買左既原條三文魚, 有刺身同埋熟食, 好新鮮, 好好味!

另外一日我地煮左羊架青口。去紐西蘭必食! 羊架鮮嫩, 一d 都唔蘇, 青口肥美鮮甜, 兩樣都好平, 質素又高, 超值! 香港d唔會咁新鮮。

第二朝一早10AM我地就去左玩小型飛機, 由高點俯瞰附近景色。我地睇左好多資料, 選擇左飛機場係Lake Tekapo附近既Air Safaris "The Grand Transverse"。有好多其他選擇, 例如直升機, 係唔同既飛機場出發。

Air Safaris 係坐小型飛機,比直昇機平, 唯一係沒有Snow landing, 但snow landing 都只係5-10分鐘, 飛行時間最貴, Air Safaris 有50 分鐘飛行時間, 會由Lake Tekapo經Mount John飛去Mount Cook, 再圍一個圈睇Fox Glacier, Franz Joseph Glacier, 基本上要看的都包晒, 比其他行程划算。

我地之前已經係網站bookme.co.nz book咗, 有少少折扣。

我地駕車去到離Lake Tekapo市中心 (其實只是一條街) 5-10分鐘車程的飛機場準備出發! 好好彩, 天氣好好, 藍天白雲。天氣唔係成日都咁好,我地真係好好彩!
"The Grand Transverse" 會經過既地方

我地會坐的小型飛機

小型飛機可以坐七八個人, 每個人都會有一隻窗。兩各機翼係窗上面, 唔會阻住景觀。

因為客好滿既關係,開放左司機隔離個位俾人坐,真係好正!

機師沿路會一路介紹經過的地方, 我地先經過有名的觀星地Mount John。日頭上就係免費, 但係夜晚去就要收錢。晚會有觀星團, 價格比較昂貴所以冇去。

經過Lake Tekapo, 飛機會慢慢飛, 有一個位仲會緩慢360度轉, 務求令所有人都睇到。

天氣非常好, 景色一流, 豐富多變, 有藍天, 白雲, 雪山, 冰川, 谷地, 係係地下完全望到的景色, 值得坐。

以下係飛行時既影片:

回程的時候會再經過Lake Tekapo, 由高空欣賞湖的美景

以下係降落時既影片:

坐完飛機我地就去返Lake Tekapo牧羊人教堂, 果度好多遊客。
天氣好好, 連綿既雪山, 清澈的湖泊,畫面好靚, 風景優美。

Lake Tekapo, New Zealand 教堂入便有十字架, 由玻璃望出去景觀好特別。

行到湖邊有石灘

地標牧羊人教堂

Mackenzies Cafe Bar Grill餐廳望出去景觀好靚,有五顏六色植物陪襯。

Lake Tekapo, New Zealand, Mackenzies Cafe Bar Grill,

另外一日係到影既日落

係教堂同前面的石灘影完相之後,我地就揸車去Mount Cook, 約1小時車程。去到Mount Cook已經差唔多黃昏, 我地住Hermitage Hotel, 果度得好少酒店。check in完, book 埋聽日既Glacier Explorer, 我地就去左酒店附近既Hooker Valley行下, 近距離接觸雪山。