海陸空遊世界: 往那裏看北極光好, 極光小資料

2015年5月8日星期五

往那裏看北極光好, 極光小資料

想睇北極光, 究竟去邊度最大機會睇到? 我計劃旅程時做左d資料搜集, 下文會分析各個熱門地既利弊, 要考慮的因素。
北極光熱門觀賞地有阿拉斯加fairbanks (費爾斯班), 加拿大yellow knife (黃刀鎮), 挪威Tromso, 瑞典Abisko, Kiruna, 芬蘭Inari, Nellim, Ivalo, Saariselka, 冰島。北極光出現係Aurora Oval, 睇阿拉斯加Geophysical Institute既圖, 以上地點都係Aurora Oval 內

Kp值高, Aurora Oval 會向南移, 夠北, Kp2都可以看到北極光。係最北既地方,例如Svalbard, Kp值高, Aurora Oval 向南移可能反而睇唔北極光。
去北d, 可以在Kp唔高時都見都北極光, 增加睇到極光機會, 所以係已經去到咁北既地方的情況下天氣較重要。我大部份係北極圈既日子見唔到北極光都係因為天多雲。
九至三月都可以極光, 12至4月天清的機會較大。三月機會較好。
天要黑, 月光也會影響觀賞, 最好選擇月未出既日子。
NATIONAL OCEANIC AND ATMOSPHERIC ADMINISTRATION既圖

Kp3係羅凡尼米高度都可睇到北極光

其他考慮因素包括其他觀光點, 活動, 交通, 價錢, 需唔需要跟極光團

各個地方小評:

芬蘭
景點眾多如玻璃屋聖誕老人村, Inari Hotel 前已經有湖, 唔需要跟團。 Saariselka機會似乎唔太高, 睇tripadvisor見到極光既post唔多, 3月有朋友去Nellim, 都睇到極光

芬蘭北極圈內交通相對方便, 但天氣較不穩定

我係Inari 兩日因都多雲睇唔到, 我去同期有攝影團去芬蘭都睇唔到, 有朋友同期係Tromso/ Yellowknife見到。

挪威
Tromso號稱極光之城, 是北極圈內大城市, 較多景點活動, 是hurtigruten郵輪往挪威北部至北角的其中一個上船地。但因為係城市, 有光害, 需要跟團去黑d既地方。坐船的話就影唔到相。我在挪威羅浮敦群島, Kirkenes和郵輪上都看到極光。羅浮敦有很多小漁屋作為拍攝的前景很好, 但是交通比較不便。

瑞典
Abikso號稱留3日就有80%機會睇到北極光, 行落湖就可以, 唔駛跟團, 當地人話有"blue hole", 係其他地方有雲abisko都可能天清, 但abisko活動較少。Kiruna係城市, 較大光害, 交通較方便

冰島
冰島的好處是整個國家任何地方都有機會看到北極光, 而本身冰島亦有很多其他景點, 就算看不到極光也可以看瀑布冰川等等。但就要自駕遊或是跟團。車程比較長。天氣也是一個考慮因素, 我去了冰島8天有很多天都下雨, 其中有兩天能夠看到極光。

黃刀鎮同阿拉斯加
飛機行程較耐, 飛機班次也較疏, 活動景點亦較北歐少, 但天氣似乎較穩定, 見到極光機會可能較高。

留幾多日?

要睇北極光係Aurora oval 當然留越多日越好,我留7日見到一日極輕微, 一日good show。我覺得起碼留3-4日。第二次去冰島挪威總共去了16日, 其中有6天看到極光, 雖然有2天是比較多雲的。

北歐多d野玩, 見唔到都無咁傷。我去唔同地方等, 就算睇唔到都當觀光。我喜歡選擇在酒店行出去已經能看見極光的地方, 那麼就不用跟極光團。

我在瑞典, 冰島, 挪威看過北極光, 詳情請看: